Lakari.eus
Aurreko astean ikusiko zenuten bezala Lakari Kooperatibaren webgunea berritu dugu. Honela, diseinu berria egiteaz gain, webgunearen egitura berritu dugu. Berriro ere WordPress erabili dugu, baino gero ACF advanced custom fields eta SAGE erabili ditugu wordpress pro garapen bat sortzeko. Izan ere WordPress, blogak sortzeko tresnaren backenda baliatzen dugu erabiltzaileari erabilerraztasuna emateko. Baino kanpora begira puntako teknologien multzo bat erabiltzen dugu php eta estiloak era aurreratuan erabiliaz.
Jaki proiektuari, Dendari eta katerin zerbitzuei ikusgarritasun gehiago eskaini diogu. Kipula Studioaren argazkiei toki garrantzitsu bat eman zaie. Ekonomia Sozial Eraldatzaileko proiektuetan pertsonak erdigunean daudela esan ohi dugu, diseinuarekin ideia hori webgunearen oinarri bihurtzen ahalegindu gara eta horregatik, berebiziko lekua dute Lakaritarren irudiek.
Bestalde, web garapenetan egin ohi dugun gisan, kanpora begirako diseinua berritzeaz gain, hemendik aurrera moldagarria eta erabilerraza izango den tresna garatu dugu. Diseinatzaileak ez izan arren Lakaritarrek euren behar eta asmoetara egokitu dezaten webgunea aurrera begira. Ez da diseinu lan soila gurea, tresna kutxa sortu dugu, Lakaritarrak trebatu eta euren tresnen jabe izan daitezen, baita web kudeaketan ere. Datozen hilabeteetan Lakariren komunikazio eta marketin estrategiaren arabera landutako tresna eta funtzionalitate berriak martxan jartzen joango gara.
Egon adi!
