Talaios Kooperatibak, herritarrekin batera teknologia digitalekin lotutako gaiak lantzeko hainbat saio proposamen ditu. Teknologia digitalei buruzko jakintza maila desberdinak dituzten pertsonei zuzendutako eskaintza egiten ditugu, arlo desberdinetara zuzenduak. Helburua, kasu guztietan, gaur egun eskura ditugun gailuak herritarrei modu errazean hurbiltzea eta horietan trebatzea da, euskaraz. Gailu berriekiko beldurrak kentzea eta horien erabilera kritikoa egiteko gakoak eskaintzea da asmoa.
Proposatzen ditugun saio guztiak metodologia aktiboetan oinarritzen dira, eta ikasleen parte-hartzea sustatzeko asmoz daude diseinatuta. Edukiak modu praktikoan eta adibideen bitartez lantzeko daude prestatuak, helburua, jakintzak ahalik eta erraztasun maila handienez eskaintzea delarik. Partaideen parte-hartzea ere bultzatzen da saioetan, euren esperientziak oinarri bezala hartuz gaiak lantzeko.
Proposamen bakoitzak bere iraupen propioa du. Jarraian aurkezten diren proposamenetan zehazten dira tailer bakoitzari buruzko nondik norakoak.
Formakuntza aukerak:
Euskara eta teknologia
- Euskaraz jarduteko interneteko baliabideak: Ikasi euskaraz interneten nabigatzeko gaur egun topa ditzakegun baliabideak erabiltzen eta horiek topatzen.
- Euskara ingurune digitalean: Eguneroko jardunean eraginkorrago aritzeko ingurune digitalak eskaintzen dituen baliabideak ezagutu eta erabiltzen ikasi.
Digitalitatea Administrazioan
- Adimen Artifiziala Administrazio Publikoan: Adimen Artifizialaren oinarrizko kontzeptuak eta funtzionamendua ulertu, eta Administrazio Publikoan AA erabiltzeko aukera eta aplikazio praktikoak ezagutu. Zer dago teknologia honen atzean?
- Euskaraz lan egiteko interneteko baliabideak: Ikasi euskaraz lan egiteko interneteko baliabideak erabiltzen, hala nola itzultzaile neuronalak, hiztegiak eta gramatika liburu digitalak.
Burujabetza digitalera bidean
- Sortu ikastaroak Moodle erabiliz: Moodle plataforma digitala erabiltzen ikasi eta bertan baliabide eta jarduerak sortzeko bitartekoak eskaini.
- Sortu zure webgunea WordPress erabiliz: Webgune baten sorkuntzan dauden alderdiak ezagutarazi eta horiek landu, WordPress bitartez.
- Nextcloud: Google Driven alternatiba librea: Hodeiaren kontzeptua zer den ikasi eta horren inguruan hausnartu. Honen asmoa, Nextcloud proiektua ezagutu eta bere erabilera aukerak ikastea da.
Herritarren ahalduntzea
- Egunerokorako segurtasuna sarean eta mugikorrean: Eguneroko jardunean modu seguruan aritzeko trikimailuak eta gomendioak eskaini, eta sarean pribatutasuna mantentzeko oinarrizko kontzeptuak ezagutu.
- Mundu digitala hobeto ulertzen: Interneten atzean dagoen sistema ezagutu eta ulertu, mundu digitalaren egitura eta antolaketa ezagutuz, eta pribatutasuna kudeatzeko oinarrizko kontzeptuak ikasiz.
- Egunerokorako segurtasuna sarean eta mugikorrean: Eguneroko jardunean modu seguruan aritzeko trikimailuak eta gomendioak eskaini, eta sarean pribatutasuna mantentzeko oinarrizko kontzeptuak ezagutu.
Nerabeak
- App Inventor: mugikorrerako aplikazioa sortzen: Ikasi mugikorrerako aplikazioak sortzen App Inventor erabiliz, eta ezagutu adimen artifizialaren oinarriak eta programazioaren oinarrizko kontzeptuak.
- Irudiak eta marrazkiak programatzen: Processing programazio hizkuntza erabiliz, irudiak eta marrazkiak sortzen eta animatzen ikasi, oinarrizko kontzeptuak eta teknikak ezagutuz.
- Zure adimen artifiziala sortu: Ikaste Automatikoaren teknologia erabiliz, Adimen Artifizialeko tresnak sortzen ikasi, bloke bidezko programazioaren (scratch) bitartez.
- Eta gehiago…
Gure formakuntza eskaintzak zure beharretara egokitu daitezke. Jarri gurekin harremanetan eta elkarrekin diseinatuko dugu behar duzuen formakuntza saioa. Gainera, gure eskaintza etengabe eguneratzen ahalegintzen gara, beti ere teknologia digitalen inguruko ikuspegi kritikoa sustatu asmoz.